O crecemento do número de blogs comeza a relaxarse

Parece que a blogosfera xa non mantén o seu ritmo de crecemento que, pese a ser importante, comeza a estancarse, pois parece que a meirande parte dos interesados en estrear bitácora xa subiron ó carro dos blogs.
No primeiro semestre do ano produciuse o meirande incremento da historia no número de blogs, chegando ós 100 millóns, pero a tendencia alcista estase relaxando, e hoxe estamos nos 112,8 millóns de blogs, polo que pasamos dun incremento semestral de preto de 40 millóns a uns 13 millóns.
Todo isto non indica que a blogosfera se vaia colapsar, senón que os usuarios máis activos e proclives a xerar contidos xa teñen o seu espazo na Internet, e o continuarán actualizando. Agora cumpriría analizar estes datos cos do crecemento dos blogs lixo, así como os do abandono de blogs, para poder extraer uns datos reais da evolución do número de bitácoras de Internet.