O domingo comezan os Premios BOBs 2008

O coruñés Nacho de la Fuente, creado do mellor blog en español de 2006 segundo os Premios BOB, informa de que o vindeiro domingo se abre a presentación de candidaturas á edición de 2008 os devanditos premios organizados pola Deutsche Welle. Estes premios tamén recoñeceran a Periodistas 21 (do betanceiro Juan Varela) coma o mellor blog xornalístico en español en 2004 e, o pasado ano, a muxiá María Amelia gañou o premio ao mellor blog en español, polo que o éxito galego é xa histórico, e agardamos que se repita a experiencia nesta 5ª entrega dos chamados Oscars dos blogs.
Os premios están divididos en categorías (mellor blog, mellor podcast, mellor videoblog, Premio Reporteiros Sen Fronteiras, Premio Blogwurst e mellor blog por idioma) nas que un xurado fai a selección, existindo tamén un premio do público que sae de votacións en liña.