O festival publicitario de San Sebastián estrea televisión pola Internet

Do 24 ó 26 de maio celébrase o Festival Publicitario Iberoamericano El Sol, e para os que non se poidan achegar a San Sebastián, a organización preparou unha canle de televisión pola Internet, na que se pode ver o material do ano pasado, entrevistas, conexións en directo e reportaxes, manténdose a web activa trala celebración do certame, para que sirva coma un espazo de referencia para as creatividades das axencias españolas e iberoamericanas.
A presente edición do festival (a número 22) chegou ás 3.465 pezas inscritas, das que 1.485 son iberoamericanas, o que supón un incremento do 6% con respecto do ano pasado.