O lince perdido da produtora galega Perro Verde opta aos premios Cartoon Movie
mércores, 18 de febreiro do 2009
Logo de facerse
co Goya á Mellor Película de Animación,
O lince perdido, producida por Candor
Graphics, a galega Perro Verde Films e Green Moon, vén de ser seleccionada de
novo para os Premios Cartoon Movie
Tributes 2009, un dos recoñecementos “máis
profesionais e prestixiosos dentro do mundo da animación”, segundo veñen de
afirmar na web
do Clúster do Audiovisual, onde hoxe mesmo se facían eco da nova.
O vindeiro día 7
de marzo, saberemos se O lince perdido
se fai finalmente co galardón desta 11 edición do premio, que por primeira vez
se celebra en Lyon, ao longo dos días 4, 5 e 6 do mesmo mes.
Estes premios,
condecoran ás compañías e personalidades que contribúen ao desenvolvemento da
animación en Europa durante o último ano, e outorgan galardóns ás categorías
de: Mellor Director Europeo do Ano,
Mellor Distribuidor Europeo do Ano e
Mellor Produtor Europeo do Ano; esta última, categoría á que aspira a
galega, Perro Verde xunto coas súas colaboradoras.
O resto dos nomeados que se darán cita o vindeiro mes no “berce do cine”, a onde se achegarán outras compañías galegas acompañadas polo Clúster Audiovisual Galego.