O novo Call of Duty chegará no outono

Dende Activision confirman que o vindeiro outono os seguidores da saga de Call of Duty poderán internarse nos campos de operacións europeos e do Pacífico Sur en Call of Duty: World at War nunha aventura que volve á Segunda Guerra Mundial, pero incorporando o motor de Call of Duty 4 (xogo ambientado no presente).
Dende Treyarch aseguran que «con Call of Duty: World at War redefinimos o significado dos xogos sobre a Segunda Guerra Mundial», ofrecendo aos xogadores «toda unha horda de inimigos novos que utilizan tácticas totalmente distintas, amais de ferramentas innovadoras, coma o modo cooperativo e o lanzachamas, que lles permitirá obter a vitoria nesta batalla épica».
Este novo título estase a preparar para Xbox 360, PS3, Nintendo Wii e PC.