O novo Lips mellorará en interactividade

Microsoft desvelou máis detalles da secuela do popular xogo de karaoke, Lips, que incluirá 40 temas de artistas coma Coldplay, Sugababes, Lady Gaga, Marvin Gaye, Jason Mraz, MC Hammer e Roxette, e sairá á venda o 23 de outubro coa posibilidade de descargar de balde a través de Xbox LIVE un paquete con 5 cancións adicionais.
Lips: Number One Hits contará con novos retos (clasificación mundial de puntuacións, táboas de clasificación que permitirán comprobar os nosos avances durante a mesma actuación e copas polas que competir cos amigos), a posibilidade de integrar o noso avatar de usuario no xogo e a posibilidade de desbloquear accesorios para o devandito avatar superando distintos retos.