O segundo Congreso XoveTIC acollerá a entrega de cinco galardóns
martes, 3 de setembro do 2019
- Exterior do Centro de Investigación TIC da Universidade da Coruña, o CITIC
O
Centro de Investigación TIC (CITIC) da Universidade da Coruña
celebra esta semana, entre o 5 e o 6 de setembro a segunda edición
do Congreso XoveTIC, a
primeira gran cita tecnolóxica e innovadora da tempada
post-vacacional na nosa terra. Como novidade, o congreso está
integrado na 27a Conferencia Europea de Procesamento de Sinais
(EUSIPCO 2019), que ten lugar na Coruña do 2 ao 6 de setembro. Da
conferencia falamos onte polo miúdo en Código Cero, salientando
entre outras cousas a relevancia do seu equipo de investigadores
participantes, tanto en número (uns 800) como en prestixio (son
os máis referenciais expertos mundiais en procesamento de sinal). No
evento entregaranse cinco galardóns.
O
Congreso XoveTIC está destinado a mozos investigadores (predoutorais
e posdoutorais) de universidades galegas e do norte de Portugal, que
poderán presentar comunicacións orais ou pósteres das súas
investigación no ámbito das TIC.
O
obxectivo do evento, en palabras do CITIC, é “construír un espazo
de encontro para o debate científico e contribuír así á súa
formación”.
Ademais,
o congreso contará con relatores, investigadores e persoeiros
pertencentes ao ámbito da industria de relevancia internacional.
Cómpre
sinalar que ao abeiro de XoveTIC concederanse cinco premios
destinados a recoñeceren calidade, a excelencia e a orixinalidade
das comunicacións orais mellor valoradas por parte do comité
científico. Os galardóns entregaranse no acto de clausura por
representantes das entidades patrocinadoras: o Clúster TIC Galicia,
o Colexio Profesional de Enxeñaría en Informática de Galicia
(CPEIG), a Cátedra Handytronic-Grupo Telecon e a Cátedra UDC-Everis
en Transformación Dixital, o Instituto Teconolóxico de Galicia
(ITG) e Indra.
Programa
de actividades
·
5 de setembro de 2019 – CITIC
09:00
h – 09:30 h Recepción de asistentes
09:30
h – 10:00 h Sesión de apertura
10:00
h – 11:00 h Conferencia plenaria: Innovación na era dixital
Francisco
Servia Fiuza, senior product manager, Amazon
Nesta
conferencia abordarase o concepto da innovación na era dixital,
revisando os principais cambios que a motivan e os procesos e
mecanismos que permiten ás empresas innovar cada vez máis rápido
nun mundo interconectado e global. Todo iso, cun claro foco no
cliente e na súa experiencia como principais catalizadores para o
éxito ou o fracaso dun produto ou servizo, así como das
organizacións na súa totalidade.
11:00
h – 12:10 h Comunicacións orais
12:10
h – 12:30 h Pausa café
12:30
h – 14:30 h Comunicacións orais
14:30
h – 16:00 h Xantar de networking
16:00
h – 18:00 h Obradoiros:
Object
Tracking for automatic dataset generation, Instituto Tecnolóxico
de Galicia (ITG)
Como
empregar técnicas de Object Tracking para transformar
secuencias de vídeo en conxuntos de imaxes etiquetadas de forma
automática, coas que poder adestrar CNN para realizar a detección
de ese obxecto.
Realidade
aumentada, principios e aplicación práctica, Xoia Software
Development
Percorrido
polas técnicas de Realidade Aumentada e Realidade Virtual. Dende a
empresa Xoia describiranse experiencias de éxito que están a
funcionar empregando a tecnoloxía de Realidade Aumentada. Verase
como estas novas formas de interacción entre o mundo virtual e real
están a revolucionar diferentes ámbitos da vida cotiá así como
empresarial.
·
6 de setembro de 2019 – PALEXCO
09:00
h – 10:00 h Conferencia plenaria: Graph Neural Networks
Alejandro
Ribeiro, Departamento de Electrotecnia e Enxeñaría de Sistemas,
Universidade de Pensilvania
As
redes neuronais convolucionais (CNN) son arquitecturas de
procesamento de información en capas nas cales cada unha das capas é
en si mesma a composición dunha operación de convolución cunha non
linealidade puntual. As redes neuronais gráficas (GNN) substitúen a
operación de convolución regular cunha operación de convolución
gráfica. Discutiranse as convolucións, o seu uso na construción de
arquitecturas GNN e exploraranse as propiedades de estabilidade dos
operadores GNN. Discutiranse aplicacións para o control de sistemas
autónomos colaborativos a gran escala e redes sen fíos.
10:00
h – 10:30 h Pausa café
10:30
h – 12:30 h Comunicacións orais
12:30
h – 13:00 h Clausura e entrega de premios
13:00
h – 14:00 h Xantar de networking
14:00
h – 15:30 h Sesión de pósteres