O sistema de correo web de Yahoo! podería integrar mensaxería instantánea

Yahoo! está a renovar os seu cliente de correo electrónico, e tras unha completa remodelación da súa interface nas pasadas semanas, agora parecen querer achegar máis prestacións os seus máis de 250 millóns de usuarios activos mensualmente, de xeito que estudan a integración do Yahoo Messenger dentro do seu sistema de correo web, de xeito que non se precisaría da instalación do programa de mensaxería instantánea de Yahoo! para poder empregar tal servizo, algo que xa fai actualmente Google con seu GMail, aínda que é de xustiza lembrar que o número de usuarios do correo de Yahoo! é moi superior ó de Google (fálase dun número de usuarios ata 10 veces maior).
Este tipo de medidas poden achegar aínda a máis usuarios á mensaxería instantánea, pois fan moi doado o chateo, e nos vindeiros meses poderiamos vivir toda unha revolución no xeito de entender este tipo de aplicacións dentro da efervescencia da Web 2.0.