O xogo de Os Piares da Terra fala galego
martes, 3 de abril do 2018
O pasado
verán veu a luz para Xbox
One, PlayStation
4 e PC
o videoxogo baseado na
serie de libros de Ken Follett Os Piares
da Terra, pero esta aventura do estudio independente Daedalic
Entertainment non chegou de vez, senón que, emulando á obra orixinal, foise
actualizando para artellarse en 3 entregas nas que asumimos os roles de Jack,
Aliena e Philip, podendo explorar a obra de Follett e cambiar o rumbo da historia
con palabras e decisións.
O xogo ambientado na Inglaterra do século XII permÃtenos ir vendo como se
desenvolven varias historias durante a construción dunha catedral, de xeito que
podemos vivir a historia como a nobre caÃda en desgraza Aliena, o paria
convertido en construtor Jack e o monxe Philip, que móvense a través de máis de
200 escenarios pintados a man. O terceiro
libro do xogo publicouse
o pasado xoves, polo que a obra xa está completa, de xeito que quen merque
o xogo agora non terá que agardar ao lanzamento dos distintos episodios.
Ken Follett’s The Pillars of the Earth
presenta gráficos cun estilo de animación 2D, unha banda sonora a cargo da orquestra
FILMharmonic de Praga e voces dobradas ao inglés e ao alemán (con subtÃtulos en
español), aÃnda que no apartado lingüÃstico agocha unha sorpresa moi
interesante: durante a visita
de Aliena a Santiago de Compostela os personaxes do lugar falan en galego
en todas as versións do xogo.
As achegas da nosa lingua a esta aventura dixital foron obra de Ramón Méndez,
tradutor de videoxogos con varios centos de traballos ás costas, que non se
encargou da localización completa, pero axudou a que a nosa lingua estivese
presente no terceiro episodio do xogo de Daedalic Entertainment.
TraÃler de lanzamento do terceiro episodio de Ken Follett’s The Pillars of the Earth