One UI 8.5 inicia a súa despregadura en dispositivos de anos pasados

Os usuarios de móbiles e tabletas de Samsung das series S e Z están de parabéns, pois a compañía surcoreana inicia hoxe a despregadura de One UI 8.5 (comezando por Corea) para dispositivos de anos anteriores, de xeito que recibirán boa parte das últimas funcións de Galaxy AI.
Os primeiros dispositivos en recibir as novidades serán os Galaxy S25/S24, Galaxy S25/S24 FE, Galaxy Z Fold7/Fold6, Galaxy Flip7/Flip6 e Galaxy Tab S11/S10, ou sexa, que trebellos lanzados hai un par de anos poríanse á altura dos que saíron este mesmo ano a nivel de software. Máis adiante Samsung levará a última versión de One UI a outros dispositivos anteriores das mesmas familias.