Ono estrea unha web para compartir vídeos futbolísticos

Os futboleiros teñen un lugar máis no que compartir os vídeos cos seus momentos favoritos do deporte rei en Onogol, unha plataforma presentada hoxe pola operadora de cable Ono e que, en plan YouTube, permite que os afeccionados á Liga Profesional de Fútbol poidan publicar e compartir os seus vídeos favoritos nas categorías de goles, paradas, filigranas e curiosidades.
A nova web pretende chegar ó millón de usuarios antes de rematar o ano e foi desenvolvida pola empresa Addoor, segundo parece, empregando o motor vShare (un coñecido creador de clons de YouTube).