Organizan un obradoiro de Pixel Art na Coruña
martes, 20 de febreiro do 2018
O
colectivo Monkey Laboratory (MoLab) nacido na Facultade de Ciencias da
Comunicación da Universidade da Coruña vai celebrar o vindeiro venres a
partires das 16:00 horas no laboratorio 1 do mencionado centro un obradoiro
de introdución ao Pixel Art. Esta actividade aberta a calquera interesado
está prevista para a participación de até 20 persoas (lÃmite ampliable) ás que
recomendan levar un ordenador de seu cunha aplicación de edición de imaxe
(Photoshop, GIMP, Aseprite... para facilitar a transformación do personaxe que desexen
en pixel art.
Lembremos que o pixel art é unha
forma de arte dixital na que as imaxes edÃtanse punto a punto, buscando
principalmente emular a aparencia que tiñan os videoxogos para videoconsolas de
8 e 16 bits, que tiñan unhas resolucións gráficas moi reducidas e un número de cores
bastante limitado. Este tipo de creacións consegue certo toque retro a creacións modernas, e aÃnda que
é frecuente que se empregue para o desenvolvemento de xogos independentes por
precisar de reducidos recursos, non son poucos os casos nos que estamos ante
unha elección estética totalmente consciente que resulta moi acaÃda á hora de
homenaxear a xogos clásicos ou para recuperar xéneros e formatos de xogo propios
de décadas pasadas.