Os Reis e Santa felicitan as festas en vídeo dende Navidadessorprendentes.com

Papá Noel felicita en vídeo aos cativos dende unha web de Cefa Toys

Felicitar o Nadal aos cativos da casa valéndose da Internet é algo doado, e á oferta de felicitacións en liña se incorpora a compañía xogueteira Cefa Toys a través de Navidadessorprendentes.com, web na que os pais poden personalizar unha felicitación en vídeo para os seus pícaros, á vez que ven publicidade de xoguetes mentres agardan á xeración da video-felicitación (que se pode visualizar directamente ou remitir por correo electrónico).
Os vídeos poden estar protagonizados polos Reis Magos ou Papá Noel, e se poden personalizar coas virtudes e defectos do destinatario, así como o seu nome e idade, o que lle engade moito realismo para que os rapaces gocen ao ver na pantalla do ordenador cómo os personaxes que lle van traer agasallos nas Festas lle dedican un vídeo caseiro.