Os actores galegos aparecen recollidos nun novo catálogo en liña

Unha das fichas do novo catálogo de actores e actrices

A Asociación de Actores e Actrices de Galicia presentou oficialmente hoxe o seu novo catálogo en liña que pretende servir como ferramenta para promocionar aos actores e actrices da nosa comunidade, así como facilitar o traballo das produtoras á hora de realizar a selección de actores.
O catálogo en liña inclúe unha completa ficha de cada actor (na que figuran o rango de idade, a altura, o peso, a complexión física, as cores de pelo, pel e ollos, a súa formación, a súa experiencia e os seus premios), así como fotografías, vídeos e ligazóns a documentos PDF cos currículos dos mesmos, e pode actualizarse constantemente, polo que é unha aplicación viva.