Os finalistas do Concurso Novaxove Music (elixidos na Rede) actúan este venres en Santiago

O Concurso Novaxove Music que organiza Caixanova a través da iniciativa Novaxove e que chega este venres 24 á súa fase final en Santiago ten un pequeno gran detalle que indica ben ás claras por que vieiros se están desenvolver hoxe e no futuro inmediato a práctica totalidade de concursos, convocatorias, mobilizacións ou eventos colectivos de calquera índole: polos da Rede.
Porque foi na Internet, concretamente a través das votacións dos usuarios do portal Novaxove, como se elixiron ós grupos que actúan esta noite do 24 na Sala Capitol de Compostela a partir das 22.00 horas co fin de facerse co premio do certame: Cornelius (Vilagarcía), Stereotipos (A Coruña), Los Marcianos (Vigo) e The Blows (Vigo).
Ó longo deste concerto-final, os catro nomeados actuarán durante uns 25 minutos cada un, expoñendo todo tipo de argumentos musicais (ou de calquera outra natureza) co fin de meterse no peto á meirande cantidade de integrantes do xurado, que estará composto por Xoel López (líder de Deluxe), Tito Lesende (SGAE Galicia), Xavier Valiño, Salva Ronco (40 Principales Vigo), David Quintanilla (Criteria Music), Antonio Fernandes (Novaxove) e Fran Gil (Nxira). O premio consistirá na produción e na edición dun CD, na promoción do grupo durante tres anos, xiras por Galiza e presentación en Madrid.