Os programadores decidirán se os seus xogos de Xbox One poden funcionar con teclado e rato

Grazas á colaboración entre Microsoft e Razer, en poucas semanas os desenvolvedores de xogos para Xbox One poderán incorporar ás súas creacións o soporte de rato e teclado, de xeito que serán os creadores os que definirán totalmente como será o funcionamento dos seus produtos mediante estes sistemas de control.
Deste xeito, aínda que a Xbox One sexa compatible con practicamente todos os ratos e teclados USB do mercado, estes accesorios non funcionarán de xeito predeterminado nos xogos, senón que os programadores poderán decidir se as súas creacións son compatibles cun sistema de control imperante en PC.
Nas vindeiras semanas haberá títulos que incorporarán este soporte de rato e teclado, o que supón un cambio notable na experiencia de xogo, polo que haberá que comprobar a resposta da comunidade de usuarios ante a posibilidade de que coexistan en partidas en liña xogadores que empreguen distintos sistemas de control, por precisións e velocidades diferentes, o que pode supor vantaxes que algúns non considerarían xustas.