Pac-Man estrea battle royale para Switch
mércores, 7 de abril do 2021
Os
subscritores de Nintendo Switch Online poderán gozar a partir de mañá do xogo
en liña PAC-MAN
99, un xogo en liña tipo battle royale para Nintendo Switch que
permite somerxerse no mundo do célebre comecocos dun xeito inédito, xa
que mentres se percorren os labirintos engulindo puntos e esquivando pantasmas
haberá que enfrontarse a outros 98 xogadores en liña, evitando a eliminación e
coa dificultade engadida de que canto máis dure a partida máis rápido será o
xogo.
Entre as diferenzas de PAC-MAN 99 co xogo tradicional temos que cando
engulimos unha Pac-Bóla que permÃtenos papar as pantasmas, o que provocará a
aparición de bloqueadores nos labirintos doutros xogadores que frearán o seu
avance. Precisamente este tipo de ataque pode ser masivo se papamos un tren pantasma
formado por pantasmas dormentes.
PAC-MAN 99 permitirá adquirir por separado novos modos de xogo, entre os
que destaca o modo sen conexión, asà como a posibilidade de engadirlle temas
inspirados en xogos clásicos de Namco que modifican o aspecto e o son.