Pecha a polémica web que cobraba por facer as tarefas escolares en Francia

O pasado xoves, o colectivo estudiantil francés espertou envolto nunha polémica, que enfrontaba a alumnos e mestres, ao non poñerse dacordo na utilidade que se lle podía dar a unha nova web, Faismesdevoirs.com (faime as tarefas), que saía á luz para axudarlle aos estudantes franceses a facer os seus exercicios da escola na casa.
A ferramenta, que tivo que pechar ás poucas horas da súa apertura, cobráballe aos seus usuarios polas respostas que solicitaban, con tarifas que iban dende os cinco euros (por resolver problemas matemáticos), ata os 80 euros, o prezo por un traballo de fin de curso con diapositivas incluídas.
Nun primeiro momento, o éxito da iniciativa foi tal que as visitas saturaron o servidor; nembargantes, as mobilizacións do profesorado, que afirmaban estar ante unha ferramenta “que contradicía o ensino”, levaron ao peche definitivo da aplicación fundada por Stéphane Boukris.
Éste último non se fixo agardar para presentar as súas disculpas públicamente e, nunha nota publicada na web, admite que o servizo que creara “ía en contra da súa suposta utilidade pedagóxica”, ao tempo que recoñece que “non foi boa idea propoñer que os estudantes pagasen por que se lles fixesen as súas tarefas escolares”.
Boukris conclúe a súa mensaxe comprometéndose a reembolsar os pedidos nun prazo de oito horas a quen llo solicite a través dun enderezo de correo electrónico.