Peter Moore deixa Microsoft
xoves, 19 de xullo do 2007
As divisións de videoxogos dos grandes fabricantes
parecen estar cambiando as súas cabezas visibles posiblemente a causa da
situación actual na guerra de consolas que parece estar gañando un
participantes polo que ninguén apostarÃa hai un par de anos, e asÃ, tralo abandono
de Sony por parte de Ken Kutaragi (considerado coma o pai da Playstation), tocoulle facer o propio a Peter Moore,
xefe da división de xogos de Microsoft, que pasará
a dirixir EA Sports, o que supón unha mudanza a California (onde vive a súa
familia).
Curiosamente a persoa que ocupará o lugar de Moore será Don Mattrick, que provén
de Electronic Arts (ou sexa, da mesma empresa á que vai parar o que ata o de
agora era o máximo responsable da Xbox 360).
Moore unÃrase a Microsoft en 2003, e coa súa dirección conseguiuse o lanzamento
con éxito da Xbox 360 e a revitalización da división de xogos para PC de
Microsoft (agora coñecida coma Games for
Windows) e agora deberá afrontar novos retos no departamento de xogos
deportivos de Electronic Arts, que parece tocar teito (xa que se dirixe a un público
mozo moi concreto e limitado) polo que para atender ás novas demandas do
mercado deberá procurar crear produtos para os xogadores máis ocasionais que
tanto éxito están a supor a fabricantes coma Nintendo.