Piratean as webs de ICANN e IANA

Coma en casa do ferreiro, coitelo de pau, non nos deberiamos sorprender de que as páxinas web de ICANN e IANA (entidades que xestionan o nomes de dominio da Internet e a asignación de enderezos IP) foron pirateadas e redirixidas a outra páxina na que un grupo de crackers turco coñecido coma NetDevilz aseguraba que era capaz de controlar os dominios de Internet por riba de ICANN.
O ataque non consistiu nunha modificación das páxinas de ICANN e IANA, senón na modificación dos rexistros de DNS dos seus dominios de Internet correspondentes, deixando constancia de que na Internet non están seguros nin os organismos reguladores do seu control.