PlayStation Plus ofrecerá un par de simuladores en maio

O vindeiro martes PlayStation Plus renova os xogos para os seus subscritores, no que parece unha aposta polo xogo repousado en tempos de confinamento, de xeito que os xogos principais son Cities: Skylinies e Farming Simulator 19, que chegan acompañados no noso territorio por Treasure Rangers, un xogo español de quebracabezas e plataformas tan modesto como descoñecido polo grande público.

Pola súa banda, Cities: Skylines é un xogo bastante interesante para afeccionados a títulos como Sim City, xa que convídanos a construír unha cidade, deseñando as súas estradas, planificando o seu transporte público e construíndo zonas verdes. Poderemos dividir a rúa en distritos con distintas normas urbanísticas, e incluso será posible xestionar as finanzas da cidade á vez que se ofrecen servizos esenciais como a educación, a auga, a electricidade, a policía, os bombeiros ou o sistema sanitario.

Farming Simulator 19 é outro dos xogos de PS Plus para o mes de maio, que ten un título totalmente descritivo, xa que trátase dun simulador agrícola no que teremos que facer prosperar unha granxa, podendo elixir entre un territorio americano ou outro europeo, no que colleitar produtos e coidar animais. Neste título poderemos conducir máis de 300 vehículos e máquinas das principais marcas (John Deere, New Holland, Fendt...) conseguindo así que os amantes deste ámbito poidan vivir dun xeito fiel o seu soño de ter unha granxa propia.