PlayStation Plus sobe de prezo

Os novos prezos de PlayStation Plus xa son efectivos

A suba de prezo do servizo PlayStation Plus adiantada o pasado luns por parte de Sony xa entrou en vigor, a finalmente non quedou nun incremento dun euro na súa tarifa máis básica (o plan PlayStaiton Plus Essential, que pasou de 8,99 a 9,99 euros/mes e de 24,99 a 27,99 euros/trimestre) e tamén afecta ao resto de tarifas.
O plan PlayStation Plus Extra pasou de 13,99 a 15,99 euros/mes e de 39,99 a 43,99 euros/trimestre, mentres que o plan PlayStatio Plus Premium pasa de 16,99 a 18,99 euros/mes e de 49,99 a 54,99 euros/trimestre.
As subscricións anuais curiosamente manteñen os seus prezos (71,99 euros o plan Essential, 125,99 euros o Extra e 151,99 euros o Premium), o que reforza a idea de que Sony, o que está a buscar é aproveitar o pulo de Grand Theft Auto VI, que precisará deste tipo de subscrición para poder gozar do xogo en liña, e dado que o xogo sae dentro de 6 meses, a aplicación dos cambios de tarifa agora deixaría a todos os subscritores mensuais e trimestrais sometidos aos novos prezos.