Preparan un novo xogo de R-Type para PS4
luns, 1 de abril do 2019
O shoot-em-up de
desprazamento lateral R-Type é todo
un clásico que leva dando guerra dende 1987 con conversións á meirande parte de
sistemas de xogo que foron xurdindo, dende consolas de videoxogos até
ordenadores domésticos, e agora sorprende saber que Granzella negociou a licenza
do xogo con Irem Software Engineering para poder preparar R-Type Final 2, tÃtulo que busca
entregar a mellor experiencia de R-Type posible,
pero adaptándose aos tempos actuais, ou sexa, orientado a acción a pantallas panorámicas.
Este novo xogo axustará o seu nivel de dificultade en función da habilidade do
xogador, permitirá que os xogadores máis expertos teñan que facer fronte a niveis
de dificultade moi elevados, contará con naves redeseñadas que poden equiparse
con diferentes sistemas de disparo adicionais e, para continuar a crear
expectación sobre este xogo que sairá inicialmente para PlayStation 4 adiantan
que no mes de maio lanzarán unha campaña de micromecenado para facer esta
produción realidade.
VÃdeo de adianto de R-Type Final 2