Quibi fracasa coa súa proposta de vÃdeo para móbiles
xoves, 22 de outubro do 2020
En
abril estreouse Quibi, unha plataforma audiovisual moi ambiciosa, exclusiva
para móbiles, na que os contidos estaban producidos en formato vertical e
fragmentados para facilitar o seu contido en mobilidade, coa intención de converterse
nun grande rival para Netflix, que co seu cambio de linguaxe buscaba captar a
usuarios afeitos a consumir contidos en vertical en plataformas como Instagram
e TikTok.
Pero o feito de facer moito rebumbio no seu lanzamento e de contar con
producións con grandes orzamentos e coa presenza de fichaxes estrela non foi
dabondo para que callase esta proposta revolucionaria, e a pouco máis de medio
ano do lanzamento anuncian
o fracaso e peche desta iniciativa que parecÃa prometedora e que incluso
chegou nun momento que poderÃa parecer ideal (o consumo audiovisual disparouse
durante o confinamento).
Os responsables de Quibi recoñecen que a idea que deu lugar ao seu proxecto non
ten forza dabondo como para xustificar un servizo de streaming de seu, cando
menos non neste momento. A situación actual non facilita tampouco que os
investidores continúen a apoiar o proxecto, que é demasiado arriscado, quedando
agora por determinar o que acontecerá cos activos de Quibi, para que poidan ser
explotados por outra compañÃa con máis posibilidades para a explotación de
formatos de vÃdeo innovadores.