Razer achega os xogos de PC ao móbil

A marca para xogadores Razer vén de lanzar oficialmente Razer PC Remote Play, unha plataforma para retransmitir xogos de PC directamente a dispositivos móbiles, aproveitando a potencia dos ordenadores gaming para achegar os seus potentes xogos ao teléfono, tableta ou dispositivo portátil con Windows, con claridade visual e unha boa resposta. Ao aproveitar a taxa de fotogramas e resolución completas dos dispositivo móbil, é posible gozar dunha boa calidade de imaxe e sen bandas negras.
A versión beta de Razer PC Remote Play tivo unha acollida moi positiva entre os usuarios, e no seu lanzamento oficial inclúe unha interface redeseñada en Razer Cortex para PC, compatibilidade con todos os mandos móbiles compatibles con sistemas iOS e Android, soporte para o códec de vídeo AV1 (para mellor calidade e menor latencia) e actualizacións de software que melloran a experiencia de xogo portátil. A partir de agora, os xogadores poden esperar partidas moi fluídas e de alta fidelidade en móbiles e tabletas, en calquera lugar e momento.
Algunhas das características destacadas son:
– Compatibilidade con numerosos mandos: soporte completo para Razer Kishi e outros mandos compatibles con iOS e Android, para unha experiencia móbil similar á dunha consola.
– Posibilidade de empregar teclado, rato e trackpad en iPad, para máis estilos de xogo.
– Acceso a todos os xogos de PC desde Razer Nexus: permite explorar, configurar e iniciar xogos desde o dispositivo móbil.
– Optimización automática da pantalla.
– Xogo inmersivo con Razer Sensa HD Haptics: sensacións táctiles realistas sincronizadas co xogo, como disparos ou motores vibrando, ao empregar Razer Kishi Ultra con dispositivos Android.
Razer PC Remote Play é compatible con Steam, Epic Games, PC Game Pass e outras plataformas, así como con iOS 18 e Android 14 ou superior e Windows 10 e 11, estando xa dispoñibles para a súa descarga na App Store e en Google Play.