Reclusos de Monterroso recibirán formación en reparación de aparellos electrónicos
luns, 18 de febreiro do 2019
A ConsellerÃa de Medio Ambiente,
Territorio e Vivenda formará durante os vindeiros dous meses a unha decena de
reclusos do centro
penitenciario de Monterroso co fin de facilitarlles
coñecementos teóricos e prácticos para a súa capacitación na reparación de
aparellos eléctricos e electrónicos (RAEE). Trátase dunha experiencia
piloto cunha clara orientación socio-laboral e dirixida a colectivos en risco
de exclusión que deste xeito terán a oportunidade de acceder a 20 horas de
formación en xestión de RAEE.
Todos os internos que participan nesta acción
pertencen á Unidade Terapéutica e Educativa (UTE) de Monterroso, un módulo
independente que integra nun espazo socioeducativo e terapéutico a presos
sometidos a un programa de drogo dependencias. Precisamente, un dos piares da
iniciativa será colaborar na inserción socio-laboral destas persoas, nunha
clara situación de vulnerabilidade social, involucrando a grupos especÃficos en
proxectos de relevancia ambiental e fomentando incluso a oportunidade de que os
reclusos participantes poidan nun futuro presentar a súa candidatura a procesos
selectivos.
O outro obxectivo do taller é concienciar aos
asistentes sobre a necesidade de recuperar e reutilizar todos aqueles
compoñentes de aparellos eléctricos e electrónicos desbotados pero que poden
ter unha nova vida, reducindo asà a cantidade de residuos industriais que se
xeran na nosa comunidade e posibilitando incluso a apertura de novas
oportunidades laborais.
O programa, que empezou a impartirse esta
mesma semana e se prolongará ata comezos de abril, está dividido en dúas
partes: unha centrada na ofimática e a segunda, en electrodomésticos de medio e
gran tamaño. Organizado en sesións semanais de dúas horas e media de duración,
comezarase por impartir os coñecementos relacionados coa informática para
posteriormente acabar co módulo de reparación de aparellos.
Esta primeira acción piloto, á que se lle
pretende dar continuidade con outra semellante nos vindeiros meses, virá
complementar as actividades formativas impulsadas a finais de 2018 en varios
centros penitenciarios galegos e en diferentes entidades sociais. Naquela
ocasión, os participantes recibiron unha serie de sesións orientativas nas que
se incidiu na formación en materia de xestión e preparación para a
reutilización dos residuos xerados a raÃz dos aparellos eléctricos e
electrónicos.