Ryanair cancela billetes de avión reservados por Internet

Segundo vén de afirmar a web de RTVE, a aeroliña de baixo custo irlandesa Ryanair, cancelou "miles de reservas dous seus propios vóos" fixados para os días posteriores a o de hoxe, por ter sido feitas por Internet, a través de distintas axencias de viaxe.
Ao parecer, estas axencias virtuais permiten adquirir billetes da devandita aeroliña sen necesidade de tramitalos a través da súa web oficial, o cal Ryanair considera "unha práctica ilegal por atentar contra os seus termos e condicións".
Asemade, a aeroliña asegura que a tecnoloxía empregada nestes casos "ralentiza o funcionamento da súa propia web para outros usuarios".
Os responsables de Ryanair aseguran que ou feito de cancelar estes billetes é un xeito de "desincentivar esta actividade ilícita" que perxudica tanto á compañía como aos clientes da mesma, que teñen que pagar máis polos seus asentos e por outros servizos con cargos adicionais.
Esta medida, non só afectará a miles de pasaxeiros, que non poderán chegar a tempo aos seus destinos, senón tamén aos hoteis, axencias de aluguer, restaurantes reservados e a outras compañías de vóos que recollían pasaxeiros de Ryanair cara outros destinos onde a compañía de baixo custo non ten operatividade.


eDream estuda levar a cabo accións legais

A axencia de viaxes en liña, eDreams, vén de activar un equipo de emerxencia integrado por 30 expertos na materia para "rescatar" as vacacións de todos os afetados pola decisión da aeroliña de baixo custo ao tempo que estuda levar a cabo "todas as accións legais posibles" contra Ryanair pola súa "irresponsabilidade e neglixencia".
eDreams asegura que lle ofrecerá os seus servizos sen custo para os afectados e "renunciará a tódalas súas comisións nas novas reservas substitutorias de xeito universal, tanto para as reservas realizadas en eDreams como para o resto (axencias de viaxes españolas)".