Sae á venta a última aventura gráfica de Friendware, Overclocked
mércores, 22 de outubro do 2008
A firma de
videoxogos para PC, Friendware, vén de presentar Overclocked,
a súa última aventura gráfica na que os xogadores lle dan vida a David
McNamara, un antigo psicólogo do exército americano que é contratado para resolver
un estraño caso sucedido na cidade de Nova York.
En novembro de
2007, cinco mozos foron atopados deambulando polas rúas; están desorientados,
alterados, berran e sofren amnesia.
Empregando
coidadosos e meticulosos interrogatorios, o xogador, no papel de McNamara,
deberá comezar a investigar o sucedido e dar coa resposta ao que pasou por
aquel entón.Trátase dunha aventura clásica cunha xogabilidade innovadora que
sorprende polo seu deseño e soberbios gráficos en 3D e que inclúe efectos
atmosféricos e efectos de luz.
O xogo está
dobrado ao castelán e permite explorar ata 45 contornas ao detalle asà como
meterse na pel dos seis personaxes
xogables.
Os requisitos
mÃnimos que se precisan para xogar a Overclocked
cunha calidade aceptable son: Windows 2000/XP/Vista, procesador 1,3 GHz,
tarxeta gráfica que soporte ShaderModel 1.1, 1,5 GB de espazo libre no disco
duro, 512 MB RAM, tarxeta de son e unidade lectora de DVD-ROM.