Segunda fin de semana de rebaixas de Nadal na PlayStation Store

venres, 7 de decembro do 2018 Marcus Fernández

A PlayStation Store continúa esta fin de semana a súa conta atrás de cara ao Nadal, con ofertas bastante atractivas nos seus xogos en formato dixital, que estarán vixentes até o luns e inclúe grandes títulos como God of War na súa edición dixital de luxo a 29,99 euros ou Shadow of the Tomb Raider a partires de 31.49 euros.
Outras ofertas interesantes son o FIFA 19 a 39,99 euros, A Way Out a 19,99 euros, a edición de luxo de Detroit: Become Human a 29,99 euros, Fallout 4 a 9,99 euros, Far Cry 5 a partires de 29,99 euros ou WWE 2K19 por 29,99 euros. Sen dúbida, unhas interesantes propostas de cara ao tempo de lecer que moitos terán nas festas de Nadal.

God of War, considerado por moitos medios o Xogo do Ano 2018, está de oferta esta fin de semana

PUBLICIDADE