SempreCinema apoiará a produción do sector cinematográfico galego
xoves, 31 de xaneiro do 2008
O secretario xeral de Comunicación e presidente do
Consorcio Audiovisual de Galicia, Fernando Salgado, participou onte na sinatura do acordo entre SempreCinema
Producións, S.L. e o Consorcio Audiovisual de Galicia para o apoio e promoción
do sector cinematográfico en Galicia, acompañado por Javier Carral
MartÃnez, presidente da sociedade, e José Manuel GarcÃa Iglesias, director de
Acción Sociocultural de Caixa Galicia.
Salgado destacou que o instrumento presentado é «innovador, flexible, financeiramente potente e ambicioso nos seus
obxectivos» e supón «un salto
cualitativo na produción audiovisual e cinematográfica de Galicia» pois fai
que a Administración vaia máis aló da subvención tradicional «para compartir o risco das grandes
iniciativas que se adopten no eido audiovisual».
A sociedade posúe un compoñente mixto de capital privado, representado pola
Fundación Caixa Galicia, e de capital público, a través de XesGalicia e do
Consorcio Audiovisual de Galicia.
No tocante nos obxectivos que abordará SempreCinema, Salgado destacou que
financiarán «proxectos que non só ofrezan
fundadas expectativas de viabilidade e rendibilidade comercial senón que
supoñan un trampolÃn para o audiovisual de Galicia e unha pantalla para
proxectar o novo paÃs e a nosa imaxe internacionalmente».
