Shadow of the Colossus chega a PS4 con aparencia renovada
mércores, 7 de febreiro do 2018
Un dos xogos máis aclamados dos tempos da PlayStation 2, Shadow
of the Colossus, está de volta nunha versión con gráficos mellorados,
un mellor rendemento e uns controis actualizados (opcionais) para permitir que
os usuarios de PlayStation 4 poidan redescubrir esta obra mestra de Fumito Ueda
na que hai que seguir o rastro de 16 criaturas colosais para trepar sobre as
mesmas descubrindo os seus puntos febles e asà poder derrotalas.
Dende hoxe podemos mercar
a versión de PS4 de Shadow of the
Colossus por 39,99 euros, para asà poder gozar desta remasterización realizada por Bluepoint
Games e JAPAN Studio para que a aventura que chegara a consolas hai máis dunha
década poida gozarse con dignidade.
Shadow of the Colossus ofrece unha orixinal
narrativa, cunha interface limpa e unha proposta moi innovadora no seu momento
(fuxindo da exploración de alxubes e combates contra numerosos inimigos), que
aÃnda hoxe continúa a ser fresca, convidando aos xogadores a explorar, superar
obstáculos, solucionar quebracabezas e, en definitiva, completar unha misión
par devolver á vida a unha moza chamada Mono.
- Shadow of the Colossus pode considerarse como un quebracabezas de acción no que os inimigos son seres xigantescos dos que teremos que atopar cadanseu punto feble