Shin-chan meterase na Wii en marzo
mércores, 9 de xaneiro do 2008
Tralo seu paso pola GameBoy Advance e a Nintendo
DS, o pequeno Shinnosuke Nohara, máis coñecido coma Shin-chan, estrearase na
Nintendo Wii cun novo xogo que se
venderá en España a mediados de marzo e destacará por contar coas voces
orixinais en español da popular serie de televisión.
O novo xogo chamarase Shin-chan ¡Las Nuevas Aventuras para Wii!
e sitúa ó pequeno Shinnosuke e á súa familia nunha serie de xogos dentro do
programa de televisión King Station
que se desenvolve pola cidade na que vive Shin-chan. Ó estar os distintos xogos
repartidos por toda a cidade será posible cruzarse cos personaxes que
apareceron na serie de televisión.
