SingStar organiza un concurso centrado en Eurovisión

Nas vésperas do Festival de Eurovisión decidiron lanzar un concurso para os usuarios de PlayStation 4 a través do que convidan a subir historias a Instagram ou publicacións a Twitter cantando o tema que se queira apoiar na presente edición de Eurovisión, mencionando a @playstationes, empregando o cancelo #EuroSingstar e acompañando a publicación coa bandeira do país ao que pertence a canción interpretada.
Un xurado elixirá as mellores publicacións feitas antes do 13 de maio, para anunciar os gañadores o 14 de maio, ofrecendo grandes premios para os gañadores:
- 1º premio: unha viaxe á sede do país gañador para asistir a Eurovisión 2019 en directo, así como unha consola PlayStation 4
- 2º premio: unha consola PlayStation 4 co xogo SingStar Celebration
- 3º premio: un lote de xogos PlayLink (Saber es Poder, Frantics, Intenciones Ocultas e SingstarCelebration
Precisamente o xogo SingStar Celebration é o motor desta promoción, na que quere darse a coñecer este xogo musical que inclúe 30 clásicos do pop e que, ao estar dentro da gama de PlayLink, pode tirar proveito do smartphone a xeito de micrófono e permite partidas de ata 8 xogadores.