Sogecable estrea canle televisiva en alta definición
mércores, 30 de xaneiro do 2008
Sogecable lanzará este xoves en España a primeira
canle de televisión de alta definición con cobertura estatal, Canal+ HD, dende a que ofrecerán «contidos moi concretos, contidos de
primeiro nivel», segundo asegurou Álex Martínez Roig, director de contidos
de Digital+, de xeito que os usuarios que conten co receptor iPlus poderán ver
películas coma Infiltrados, Casino
Royale, Firewall, Superman Returns, El Código Da Vinci, El laberinto del fauno
ou Alatriste coa calidade que
permiten os últimos televisores do mercado.
Tamén as series coma Los Tudor, Los
Soprano ou Big Love se poderán
seguir a través de Canal+ HD, xunto con grandes documentais e establecementos
deportivos de primeira fila: «o partido
do Plus, a Super Bowl deste vindeiro domingo, un encontro en cada xornada da
Champions, un en cada xornada do Calcio italiano, partidos da NBA, o Masters de
Augusta de golf, as semifinais e finais de Wimbledon ou a Feira de San Isidro».
Amais, dende o 7 de xuño tamén ofrecerá «a
Eurocopa íntegra en alta definición».
Para este novo lanzamento Sogecable traballará conxuntamente con Sony España e
SES Astra, e nun primeiro momento estará dispoñible
para tódolos clientes de Digital+ que conten co iPlus, o que lles abre un
maior nivel de detalle na imaxe e son Dolby 5.1, superando enormemente a
calidade da televisión estándar, o que agradecerán os propietarios de
televisores con HD Ready ou Full HD.
Promoción da nova canle
