Son Goku terá un xogo de rol de acción este ano
luns, 28 de xaneiro do 2019
As aventuras televisivas de As Bolas Máxicas inspiraron numerosos xogos de loita, conseguindo de
xeito recente bastante éxito Dragon Ball
FighterZ, o que animou a Bandai Namco a preparar un xogo máis arriscado, Dragon Ball Game Project Z, que será un
xogo de rol de acción para Xbox One, PlayStation 4 e PC que chegará este mesmo
ano.
O máis prometedor deste novo xogo coas aventuras de Son Goku é que está a
desenvolverse coa colaboración de CyberConnect2, estudio responsable de
numerosos xogos de Naruto nos que
demostraron que os videoxogos poden conseguir un nivel de detalle e calidade
que superen á serie de animación na que se basean.
Project Z permitiranos revivir a
historia de Dragon Ball Z, ou sexa,
que haberá que protexer a Terra da ameaza dos Superguerreiros e do seu lÃder, o
malvado Freezer, reproducindo grandes momentos da serie de televisión como o
adestramento con Kaido ou o devastadores combates no planeta Namek.
Para facernos unha idea do que será este novo lanzamento, xa temos o seu primeiro tráiler:
