Sonic protagoniza o último Humble Bundle

Os seareiros de SEGA están de parabéns, pois a iniciativa solidaria Humble Bundle vén de estrear un lote de xogos protagonizados polo ourizo azul Sonic, que de seguro que entusiasmará aos incondicionais dunha marca que fixo historia no sector dos videoxogos.
Os xogos, que poden incorporarse á nosa colección de Steam parten de Sonic the Hedgehog 4 – Episode I, Sonic Adventure DX, Sonic CD, Sonic & SEGA All-Stars Racing e Sonic Adventure 2 por un prezo que parte de 1 dólar; por unha cantidade superior á media (pouco máis de 6 euros) podemos engadir á colección Sonic & All-Star Racing Transformed Collection, Sonic Lost World, Sonic Generations Collection e Sonic the Hedgehog 4 – Episodio 2.
Para completar este atractivo lote temos que pagando 15 dólares podemos facernos tamén con Sonic Mania e Sonic Forces, o que semella unha magnífica oportunidade, xa que Sonic Mania custa normalmente 19,99 euros, polo que o Humble Bundle é unha boa oportunidade para facernos con este título xunto a varios xogos que algúns consideran clásicos.