Sony publica a listaxe de xogos que presentará na Tokyo Game Show deste mes

As feiras de videoxogos sucédense dun xeito trepidante e insólito estea ano, de xeito que, en vez de estar separadas por meses, son semanas as que marcan as distancias, polo que trala Games Convention de Leipzig xa se está a falar da Tokyo Game Show, que se celebrará entre os días 20 e 23 de setembro no Xapón, e do que xa sabemos a listaxe de xogos que presentará en versións demostrativas Sony.
O fabricante nipón achegará o seguintes xogos para PS3: Echochrome (Sony Computer Entertainment), Go! Sports Ski (Sony Computer Entertainment), Heavenly Sword (Ninja Theory), LittleBigPlanet (Media Molecule), Lair (Factor 5), Warhawk (Incognito), Uncharted: Drake’’s Fortune (Naughty Dog), Gran Turismo 5 Prologue (Polyphony Digital), Mainichi Issho (Sony Computer Entertainment), Ratchet & Clank Future: Tools of Destruction (Insomniac Games) e White Knight Story (Level-5).