Soulcalibur VI proba o seu xogo en liña esta fin de semana
xoves, 27 de setembro do 2018
O 19 de outubro sairá á venda o xogo de loita Soulcalibur VI,
pero non haberá que agardar a tal data para probalo, xa que dende mañá ás 17:00
horas e até as 5:00 horas do luns o xogo desenvolverá unha proba de rede, ou
sexa, que durante toda a fin de semana será posible gozar de partidas en liña
para que os responsables do título poidan comprobar a resistencia dos
servidores do xogo nun escenario de uso real.
As
probas de rede de Soulcalibur VI
realizaranse para o modo Ranked Match
en PlayStation 4 e Xbox One, de xeito que a versión para
ordenadores persoais quedaría fóra desta fase de probas. No caso da Xbox One
será preciso contar cunha conta activa de Xbox LIVE Gold, mentres que en PS4
non será preciso estar subscrito a PlayStation Plus para gozar da fase de
probas.
Este novo xogo permitiranos volver a encarnar personaxes como Mitsurugi, Talim,
Sophitia, Voldo e moitos outros, cos que ter que combater en loitas nas que
mesturar ataques horizontais, verticais e patadas con grande destreza,
combinando ataques e conseguindo así asestar golpes que debiliten ao inimigo,
contándose tamén con técnicas de contraataque que enriquecerán o xogo, como
tamén o fan os movementos especiais.
Cómpre destacar que desta volta entre os loitadores hai un convidado, Geralt de
Rivia, da seria The Witcher de CD
Projekt Red.
- Geralt de Rivia é unha nova incorporación ao cadro de loitadores de Soulcalibur VI
