Splitgate 2 volve á fase de beta

O pasado 6 de xuño 1047 Games lanzou o xogo Splitgate 2, un xogo de disparos de 4 contra 4 free-to-play que viña de superar con éxito fases de alfa e beta, polo que pensaban que estaba listo para ver a luz oficialmente, ata que comezaron a recibir comentarios moi críticos dos xogadores, levando a que o equipo de desenvolvemento recoñeza que Splitgate 2 se lanzou antes de estar listo e anuncia que o xogo volverá a fase de beta.
Agora están a reconstruír elementos clave como a progresión, os mapas con máis portais, a monetización e os modos clásicos para recuperar o espírito do xogo orixinal. Para centrarse nesta reestruturación, reducirán persoal e pecharán os servidores do Splitgate orixinal nun mes, por mor dos altos custos.
Están a estudar alternativas como partidas sen conexión ou entre xogadores. Mentres, Splitgate 2 seguirá activo e recibirá actualizacións. O equipo reafirma o seu compromiso coa comunidade e promete non renderse, aínda que deixan claro que o xogo non se relanzará ata 2026.