Televisión Española recupera Los gozos y las sombras a través da súa nova páxina web

RTVE, coa estrea da súa nova web, deixou na man dos internautas a elección de cal sería a súa primeira serie mítica en recuperar para a súa incorporación no arquivo histórico que están a abrir á web, e o 32% dos votos foron a parar a Los gozos y las sombras, seguida por La bola de cristal (co 29,7%) e Verano Azul (co 23,7%), de aí que a serie baseada na obra de Gonzalo Torrente Ballester se incorpora hoxe ao servizo de televisión á carta de Televisión Española, engadindo episodios diariamente ata completar os 13 capítulos da obra protagonizada por Charo López, Amparo Rivelles, Eusebio Poncela e Carlos Larrañaga.
Esta serie irá acompañada por entrevistas en exclusiva a algúns dos grandes actores que tomaron parte na mesma hai 26 anos, e trala súa emisión completa tomará o relevo desta iniciativa o popular programa de La bola de cristal.