Terra TV será unha nova televisión por Internet que chegará en xaneiro da man de Imagenio
venres, 27 de outubro do 2006
Luis Velo, conselleiro delegado de Imagenio, anunciou que a súa compañía lanzará en xaneiro unha canle de televisión en aberto a través da Internet, Terra TV, na que buscarán novos formatos específicos para os usuarios da Rede, para o que traballan con 5 produtoras neste proxecto pioneiro en Europa.
A compañía busca “atopar unha fórmula que se inspire en YouTube ou MySpace e que, en certo xeito, os españolice”, dirixíndose inicialmente ós mozos “que cada vez ven menos a televisión e prefiren a Internet”. Os contidos terían series de ficción propias con capítulos de curta duración (entre 4 e 5 minutos) complementando a oferta de contidos de pago de Imagenio e baixo de manda de Pix Box.
Ata xaneiro non terán unha grella de programación pechada, pero Velo asegura que xa contan con 8 formatos distintos pechados e pensados especificamente para a Internet, na busca de atopar novos mercados tralos esgotamento da televisión en aberto.
