The Force Unleashed terá versión para Nintendo Wii

mércores, 19 de setembro do 2007 Marcus Fernández

Os seguidores da saga cinematográfica de Star Wars poderán cumprir un soño realidade, xa que dende Lucas Arts veñen de confirmar que o xogo Star Wars: The Force Unleashed, aparte de saír para Xbox 360 e PS3, terá versión para a Nintendo Wii, de xeito que se poderá empregar o Wiimando para controlar o xogo, que incluirá tamén un modo especial para combater contra amigos, polo que a simulación do uso de espadas de luz chegará a un nivel inédito.
A versión para Wii do novo xogo que chegará en primavera de 2008 permitirá usar o Wiimando para manexar a espada de luz e o Nunchuk para utilizar a forza (afastando ou lesionando ós inimigos).
O presidente de Lucas Arts, Jim Ward, comentou que «a Wii é unha grande plataforma para The Force Unleashed, porque os mandos orientados ó movemento da consola levan o xogo á vida» de xeito que a versión para a consola doméstica de Nintendo será bastante diferente da que chegará para as consolas de alta definición.

PUBLICIDADE