Transforman unha Wii nunha consola portátil

luns, 31 de decembro do 2018 Marcus Fernández

Os modificadores de consolas de videoxogos conseguen grandes fazañas de cando en vez, como conseguir converter unha Xbox ou unha PlayStation nun trebello transportable con pantalla integrada ou con interesantes sorpresas como a PiiWii Pocket, froito duns 3 anos de traballo de Shank Mods, que conseguiu facer portátil unha Wii, instalando o seu hardware nunha carcasa que integra tanto unha pantalla como os botóns propios dun mando de GameCube, conseguindo unha aparencia moi representativa.
A PiiWii Pocket pode correr todos os xogos de Wii e GameCube, así como os da Consola Virtual, e tamén permite empregar os accesorios das consolas de Nintendo pois non deixa de ser unha Wii cunha carcasa cambiada, e aínda que o produto resultante é demasiado voluminoso para poder ser un produto comercial, a súa curiosa estética podería servir de inspiración para futuras consolas retro.

Vídeo no que podemos ver a PiiWii Pocket en acción

PUBLICIDADE