Twitter permitirá seguir a segunda parte de varios partidos da NBA centrando a acción nun único xogador
venres, 11 de xaneiro do 2019
Twitter
ten unha estreita relación coa televisión en directo grazas ás súas
posibilidades de comunicación en tempo real ao redor de cancelos, o que queren
potenciar especialmente no ámbito do deporte, e unha das ligas que vai facer un
maior aproveitamento destas posibilidades será o baloncesto, xa que a NBA, Turner
Sports e Twitter veñen de pechar un acordo de colaboración moi curioso que
consistirá na retransmisión
a través de Twitter da segunda parte de 20 dos partidos da NBA que emitirá esta
tempada a TNT cunha grande curiosidade: a cámara centrarase nas accións nun
único xogador, que será elixido pola audiencia a través dunha votación en
Twitter.
Queda por ver realmente resulta interesante ver os movementos dun único xogador
durante 24 minutos, pero este experimento servirá para probar un novo uso de
Twitter como segunda pantalla.
Pero esta non é a única novidade de Twitter relativa ao mundo da televisión, xa
que a plataforma social tamén pechou un acordo para programas especiais para
despois da emisión de cada episodio da derradeira tempada de Game of Thrones, buscando asà centrar o
debate sobre o acontecido en cada unha das entregas que porán fin a unha serie
de ficción que tanto éxito tivo internacionalmente e cunha forte proxección na
Rede (onde non cesan rumores, comentarios e mesmo filtracións, amplificando o
impacto da produción televisiva até unha escala sen precedentes).