Ubisoft fará un xogo da serie Heroes

Adiantan que en 2008 poderemos ver un xogo de acción en terceira persoa tanto para PC como para as consolas de nova xeración baseado na serie de televisión Heroes que actualmente emite a TVG.
Ubisoft será a empresa encargada do desenvolvemento do novo videoxogo segundo se anunciou na feira Comic-Con que se está celebrar estes días en San Diego (EE.UU.). Incluso o creador da serie, Tim Kring, declarou que procurarán unha certa relación entre os arcos argumentais da serie e o xogo, de xeito que non se recrearán os eventos que vemos na televisión, senón que serían paralelos ou complementarios como xa fixeron noutros produtos semellantes (podemos lembrar o caso de Enter The Matrix) o que supón todo un reto, de xeito que os responsables de Heroes manterán o control último sobre o que farán dende Ubisoft, polo que podemos agardar un produto que satisfaga as expectativas dos seguidores das aventuras de Hiro e os seus amigos.