Ultiman o retorno dos Tamagotchi en forma de xogo móbil
venres, 24 de novembro do 2017
Nos anos 90 Bandai explotou globalmente o fenómeno das
mascotas virtuais coñecidas como Tamagotchi, e para manter esta marca vida nos
últimos anos non foron poucas as iniciativas que buscaban pór de moda outra vez
estas criaturas virtuais que precisaban da nosa atención e coidado, o que en
2018 será un xogo completamente novo para iOS e Android: My Tamagotchi Forever.
Este novo produto quere aproveitar a nostalxia polo fenómeno nacido hai 20
anos, e adopta a forma de xogo móbil que pode descargarse de balde e que
permitirá criar a personaxes Tamagotchi e compartir as súas aventuras cos
amigos. Os Tamagotchi dentro da aplicación precisarán dos nosos coidados
diarios, para manter unha boa saúde e un bo estado de ánimo, de xeito que
haberá que alimentalos, lavalos, entretelos e incluso metelos na cama para que
descansen.
O lanzamento deste xogo en España parece que serán bastante pronto, xa que
actualmente xa está en probas en Canadá, onde pode
descargarse da súa App Store, de xeito que o tÃtulo está a probarse de
xeito intensivo para que o seu lanzamento global sexa o mellor posible e non
padeza serios problemas como acontece moitas veces con grandes estreas que non
foron sometidas a moitas probas antes de enfrontarse á complexa realidade.
Tráiler de presentación de My Tamagotchi Forever