Un videoxogo en Flash permítenos boxear con quen máis rabia nos dea

Agora que en Galicia vimos de vivir unhas eleccións municipais moi movidas os ánimos están algo caldeados, polo que en vez de botar a lingua a pacer e criticar a políticos e veciños recomendamos ós nosos lectores que aproveiten o servizo dunha nova web xermana, PlayMyGame, que nos permite personalizar un xogo de boxeo coa cara do home ou muller que queiramos, para desfogarnos.
O xogo de Flash resultante permite dar golpes de esquerda e dereita, así como ganchos ascendentes (golpes cos que é doado noquear ó contrario) e unha das vantaxes deste sistema é que permite integralo nas nosas webs e blogs.
Aparte do xogo de boxeo, dende PlayMyGame tamén permite personalizar a un personaxe bailando, unha felicitación de aniversario e un xogo consistente en disparar a un superheroe.