Unha PS4 Pro de edición limitada celebrará os 500 millóns de consolas PlayStation
xoves, 9 de agosto do 2018
Para celebrar que xa se venderon máis de 500 millóns de consolas PlayStation, dende
Sony decidiron sacar unha edición limitada conmemorativa da PlayStation 4 Pro,
con só 50.000 unidades para todo o mundo, que en Europa estará dispoñible por
499 euros a partires do 24 de agosto, co que teremos unha PS4 Pro con 2 TB de
disco duro cunha carcasa de cor azul escuro translúcido que permite ver
parcialmente o seu interior cando a luz de alimentación está acesa. Tamén conta
cunha placa de cobre no seu frontal coa súa numeración limitada.
Inclúe
un mando DUALSHOCK 4 co mesmo deseño azul escuro translúcido co sÃmbolo de
PlayStation en cobre, uns auriculares mono, un soporte e unha PlayStation
Camera, todo a xogo.
Este último mando tamén poderá mercarse por separado nalgúns mercados por 64
euros e, para os que queiran ir un paso máis adiante, a partires do 11 de
outubro poden facerse por 89 euros cunha versión dos auriculares sen fÃos Gold
500 con esta mesma estética.
Cómpre detallar que para o reconto de consolas PlayStation súmanse as unidades
vendidas das catro xeracións de PlayStation domésticas e as distintas consolas portátiles
de Sony.
- A nova edición limitada da PS4 Pro está numerada cunha placa de cobre no seu frontal
VÃdeo promocinal da PS4 Pro que celebra os 500 millóns de consolas PlayStation