Unha empresa galega sitúase na 6ª posición das empresas españolas de hospedaxe web

Un estudo realizado por Webhosting.info amósanos unha listaxe coas compañías de hospedaxe de páxinas web españolas que xestionan máis dominios de Internet, o que é un bo estimador do seu éxito, estando liderada a relación de empresas por Arsys, que con 143.468 dominios se fai co 14,2962% do sector.
A segunda empresa na clasificación é Terra, que non chegan nin á metade de dominios hospedados de Arsys cun total de 71.091, seguida de Hostalia (47.269), Abansys (46.872), PiensaSolutions (39.823) e a galega Dinahosting, que con 27.608 dominios supera incluso as páxinas webs albergadas por compañías de sona coma Acens (24,974), Nominalia (23.298) e Cdmon (19.066).
A meirande parte dos provedores do informe manteñen un número de dominios moi estable, que medra a un ritmo pausado, pero o caso da empresa bilbaína Hostalia, que superou os 10.000 novos dominios no último mes, o que lle valeu a terceira posición nesta listaxe.
Nós tamén queremos destacar o caso de Dinahosting, que presenta unha moi digna 6ª posición na relación de empresas de hospedaxe destacadas por Webhosting.info, superando a moitas empresas de tamaño moi superior e con fortes investimentos en publicidade coma poden ser Ya.com, Acens, Nominalia ou ONO.