Unha web convida a pinchar a roda do coche de Lewis Hamilton

As eleccións autonómicas catalás, a masacre de Virginia Tech ou a entrada na cadea de Paris Hilton son eventos de máxima actualidade que inspiraron rapidamente xogos en Flash de grande éxito, e seguindo a súa estela temos hoxe unha páxina web que nos convida a pinchar a roda do coche de Lewis Hamilton para que Fernando Alonso trunfe na mundial de Fórmula 1.
A orixinal web permite que os seus visitantes sitúen no trazado do circuíto de Brasil (xunto cun comentario dirixido ó piloto británico) un cravo, unha chincheta ou un porco teixo, e no momento de escribir esta liñas xa había máis de 140.000 persoas que fixeran a súa contribución a esta simpática iniciativa obra da empresa de marketing Tequila.
En Pinchalaruedadehamilton.com tamén se poden ler os comentarios que deixaron os seus visitantes premendo sobre os obxectos deixados sobre o circuíto automobilístico.